Նորածնային վերակենդանացման բաժանմունքն առանձնահատուկ ու որոշ դեպքերում նաև՝ բացառիկ կահավորված է ժամկետից շուտ, անհաս ու խնդիրներով ծնված փոքրիկներին փրկելու համար։ Նեոնատոլոգ-ռեանիմատոլոգները հնարավորություն ունեն աշխատելու վերջին սերնդի լուծումներով՝ բարձր հաճախականության օսցիլյատոր արհեստական շնչառության սարքեր, վերջին սերնդի շարժական ուլտրաձայնային հետազոտման և ռենտգեն սարքեր, որոնք հնարավորություն են տալիս առանց նորածնին տեղաշարժելու՝ կատարել անհրաժեշտ հետազոտությունները, LED ֆոտոթերապիայի լամպեր և տաքացուցիչներ, GE Lullaby բաց վերակենդանացման համակարգ, որը հնարավորություն է տալիս վերակենդանացումն իրականացնել ամբողջ ծավալով, տրանսֆորմեր քուվեյզներ, ԷԷԳ մոնիտորինգ, որը թույլ է տալիս արձանագրել անտեսանելի ցնցումները և այլն։ «Սուրբ Գրիգոր Լուսավորիչ» ծննդատունը մաս է երկու կարևոր միջազգային նախագծերի։ Մենք համարվում ենք հայ-հունական ֆետալ բժշկության հայաստանյան կենտրոնը։ Պտղի բժշկության կենտրոնը հնարավորոթյուն է տալիս ուսումնասիրել պտղի հնարավոր արատները բոլոր եռամսայկներում, բացի այդ կատարել ներարգանդային կյանքում նորածնային վիրահատություններ։  Այդ նպատակը կյանքի կոչելու համար մեր մասնագետները վերապատրաստվում են Մեծ Բրիտանիայի թագավորության լավագույն կլինիկաներում։ Հաջորդ կարևոր նախագիծը՝ աշխարհահռչակ ֆրանսիացի գինեկոլոգ Միշել Օդենի անվան «ՄՕՄ» կենտրոնի հետ գործակցությունն է, որը փափուկ, հարմար ու հնարավորինս անցավ ծննդալուծման, մոր ու մանկան բարեկամ ծննդատների գաղափարախոսության ջատագովն է։ Տարեկան 2000-2200 փոքրիկ է լույս աշխարհ գալիս մեր ծննդատանը: