Հղիների ախտաբանության բաժանմունքում իրականացվում է մանկաբարձական և սոմատիկ տարբեր խնդիրներ ունեցող հղիների բժշկական օգնություն և սպասարկում։
Բաժանմունքում աշխատում են բարձր որակավորում ունեցող մանկաբարձ-գինեկոլոգներ, նեղ մասնագետներ, որոնք վերապատրաստվել ու պարբերաբար ուսանում են միջազգային լավագույն կլինիկաներում։ Բաժանմունքը գործակցում և աշխատում է բժշկական կենտրոնի հիմնական մասնաշենքի բոլոր բաժանմունքների հետ։ Իրականացվում են անհրաժեշտ հատու, դժվարամատչելի լաբորատոր և գործիքային հետազոտությունները։
Հղիների ախտաբանության բաժանմունքը սպասարկում է մանկաբարձական և սոմատիկ տարբեր խնդիրներ․
- Սպառնացող վիժում
- Սպառնացող վաղաժամ ծննդաբերություն
- Հղիության կրելախախտ
- Պտղի աճի հապաղում, ֆետոպլացենտար անբավարարություն
- Իստմիկոցերվիկալ անբավարարություն, որը շտկվում է մանկաբարձական պեսարիների տեղադրման և վիրահատական եղանակներով
- Ժառանգական և ձեռքբերովի թրոմբոֆիլիաներ, այլ կոագուլոպաթիաներ, արյունաբանական խնդիրներ
- Քրոնիկ գերճնշում և հղիությամբ պայմանավորված՝ գերճնշում (պրեէկլամպսիա)
- Արգանդի արատներ, միոմաներ, հավելումների գոյացություններ
- Սեռական և արտասեռական ինֆեկցիաներ
- Շաքարային դիաբետ, գեստացիոն դիաբետ, էնդոկրին համակարգի այլ պաթոլոգիաներ (հիպո-, հիպերթիրեոզ, ճարպակալում, մակերիկամային անբավարարություն և այլ ներզատական խնդիրներ) հղիության ընթացքում
- Երիկամների և միզուղիների պաթոլոգիաներ (պիելոնեֆրիտ, գլոմերուլոնեֆրիտ, միզաքարային հիվանդություն, հիդրոնեֆրոզ և այլն) հղիության ընթացքում
- Սիրտ-անոթային համակարգի (սրտի բնածին և ձեռքբերովի արատներ, կարդիոմիոպաթիաներ, սրտի ռիթմի խանգարումներ և այլ) ախտաբանություններ
- Շնչառական համակարգի (թոքաբորբեր, բրոնխիալ ասթմա, սարկոիդոզ և այլն) ախտաբանություններ
- Ստամոքս-աղիքային ուղու (խոցային հիվանդություն, կոլիտներ, քարային և ոչ քարային խոլեցիստիտներ) ախտաբանություններ
- Նյարդային համակրգի (էպիլեպսիա, ցրված սկլերոզ, կողմնային ամնիոտրոֆիկ սկլերոզ) ախտաբանություններ
- Պարբերական և այլ գենետիկ ու ժառանգական հիվանդություններ
Անհրաժեշտության դեպքում պերինատալ սկրինինգ անցած բարձր ռիսկի հղիների մոտ իրականացվում է ախտորոշման ճշտում ինվազիվ մեթոդներով (ամնիոցենտեզ, CVS)
Հղիության ախտաբանության բաժանմունքում իրականացվող ծառայություններն են․
- Լաբորատոր, կլինիկական, կենսաքիմիական, մանրէաբանական, հորմոնալ հետազոտություններ
- Պտղի ուլտրաձայնային՝ սոնոգրաֆիկ հետազոտություն
- Որովայնի խոռոչի օրգանների ուլտրաձայնային՝ սոնոգրաֆիկ հետազոտություն
- Պտղի դոպլեր հետազոտություն
- Անոթների դուպլեքս հետազոտություն
- Հղիի էխոսրտագրություն և հոլտեր հետազոտություն
- Պտղի կարդիոտոկոգրաֆիա (ԿՏԳ)
- Էլեկտրասրտագրություն (ԷՍԳ)
- Էլեկտրաէնցեֆալոգրաֆիա (ԷԷԳ)
- Ռենտգեն հետազոտություն
- Նեղ մասնագետների խորհրդատվություն (թերապևտ, սրտաբան, ուրոլոգ, նեֆրոլոգ, էնդոկրինոլոգ, նյարդաբան, ակնաբույժ, արյունաբան, ընդհանուր վիրաբույժ, հոգեբույժ, քիթ-կոկորդ-ականջաբան)
