Ծննդատան չորրորդ հարկում առանձնահատուկ խնամք, հոգատարություն, վերաբերմունք ու սպասարկում պահանջող փորքիկներն են։ Նորածնային բաժանմունքի մասնագետներն իրականացնում են առողջ, անհաս և հիվանդ նորածինների խնամքը։
Նորածինների առողջական վիճակին հետևում են բժիշկ-նեոնատոլոգները, իսկ խնամքի հարցում օգնում են փորձառու, հոգատար և որակավորված բուժքույրերը:
Ներդրված են վերջին սերնդի լավագույն սարքավորումները, որոնք հնարավորություն են տալիս նվազեցնել նորածինների մոտ հաճախ հանդիպող լուրջ բարդությունները, վաղաժամ ծնված նորածինների լիարժեք խնամքի համար ստեղծված են բոլոր հնարավորությունները։
Նորածնային ծառայության պատշաճ որակի ապահովման գործում կարևոր դեր ունեն հարակից լաբորատոր և գործիքային հետազոտությունները։
Բացառիկ հագեցվածություն ունի վերակենդանացման և ինտենսիվ թերապիայի բլոկը հագեցված է վերջին սերնդի բարձրակարգ սարքավորումներով, որոնցից շատերն իրենց նշանակությամբ եզակի են ամբողջ հանրապետությունում։
Նորածնային բաժանմունքում մատուցվում են հետևյալ ծառայությունները․
- Խորը անհասների՝ 500գ և ավելի մարմնի զանգված ունեցող նորածինների ինտենսիվ բուժում և շարունակական խնամք
- Անհետաձգելի վերակենդանացման միջոցառումներ պահանջող նորածինների բուժում
- Հիվանդ կամ անհաս, բարձր ռիսկի և կյանքին սպառնացող վիճակներ ունեցող նորածինների բուժում
- Նորածնային շրջանին բնորոշ շնչառական հիվանդությունների ընթացքում պահանջվող ինվազիվ և ոչ ինվազիվ շնչառական աջակցություն
- Կենտրոնական նյարդային համակարգի, ինֆեկցիոն հիվանդությունների բուժում
- Ծանր ընթացող նորածինների հեմոլիտիկ հիվանդության բուժում
- Ասֆիքսիայով ծնված նորածինների ժամանակակից մեթոդներով բուժում
- Նեղ մասնագետների խորհրդատվություններ
- Գործիքային հետազոտությունների (ռենտգեն, նեյրոսոնոգրաֆիա, էխոկարդիոգրաֆիա, համակարգչային շերտագրություն, մագինսառեզոնանսային շերտագրություն) հնարավորություն
Բացի կյանքի համար պայքարը` բաժանմունքում շեշտադրված է երկու կարևոր միտք։ Նախ նորաթուխ մայիկները սովորում են հատկապես անհաս ծնված բալիկների խնամքի առանձնահատկությունները, նաև մեծ քարոզչություն է տարվում կրծքով կերակրման ու կրծքի կաթի կենսական կարևորության մասին։
