Կրթությունը առկա է
Միջնակարգ կրթության հիմքով՝ 3 տարի
Հիմնական կրթության հիմքով՝ 4 տարի
Ուսումնառությունը հայերեն լեզվով, պետական կրթական չափորոշիչի պահանջներով, համապատասխան ուսումնական կաբինետ-լաբորատորիաներում, բարձրակարգ դասախոսների կողմից, նյութատեխնիկական գերազանց հագեցվածությամբ:
Պրակտիկ պարապմունքները՝ «Սուրբ Գրիգոր Լուսավորիչ» ԲԿ -ի համապատասխան մասնագիտական կաբինետներում և բաժանմունքներում։
Շրջանավարտներին տրվում է պետական նմուշի ավարտական փաստաթուղթ՝ դիպլոմ ներդիրի հետ միասին, որը ճանաչվում է նաև ԱՄՆ-ում։
Որակավորված մասնագետը իրականացնում է հետևյալ զբաղմունքները․
- մանկաբարձ` ծննդատանը
- մանկաբարձ` կանանց կոնսուլտացիայում
- մանկաբարձ` բուժակ-մանկաբարձական կետում
Կարողանում է կատարել ներքոհիշյալ պարտականությունները․
- իրականացնել միջոցառումներ սպասարկվող բնակչության շրջանում ուղղված՝ մոր և մանկան առողջության պահպանմանը
- իրականացնել հղիների վաղ հայտնաբերում, հաշվառում, նախածննդյան հսկողություն
- իրականացնել հղիության ախտաբանական թաքնված ձևերի վաղ հայտնաբերում, դրանց ժամանակ խնամքի, հսկողության, իրավիճակի գնահատման կազմակերպում
- իրականացնել դեռահասների, հղիների, ծննդաբերների, ծննդկանների, նորածինների հսկողություն և զննում
- իրականացնել ծննդկանների և նորածինների հետծննդյան խնամք
- իրականացնել վաղ և ուշ հետծննդյան շրջանի արյունահոսությունների և սեպտիկ հիվանդությունների կանխարգելում
- կատարել ընտանիքի պլանավորման, վերարտադրողական առողջության և առողջ սեռական կյանքի պահպանման աշխատանքներ
- իրականացնել ուսուցողական դասընթացներ ծնողներին՝ «Մայրության դպրոցի» շրջանակում
- իրականացնել խորհրդատվություն կրծքով կերակրման առավելությունների վերաբերյալ
- տեղեկացնել ծննդաբերության ժամանակ կիրառվող ցավազրկման մեթոդի մասին
- իրականացնել աշխատանքներ առողջ կենսակերպի և սեռական անվտանգ վարքագծի հաստատման ուղղությամբ
- իրականացնել աշխատանքներ սեռական ճանապարհով փոխանցվող վարակների (ՄԻԱՎ/ՁԻԱՀ, հեպատիտ C, հեպատիտ B և այլն) կանխարգելման ուղղությամբ
- իրականացնել աշխատանքներ սեռական օրգանների նախաքաղցկեղային, քաղցկեղային հիվանդությունների կանխարգելման և հայտնաբերման ուղղությամբ
- իրականացնել աշխատանքներ հետդաշտանադադարային տարիքի կանանց կյանքի որակի բարելավման՝ օստեոպորոզի, ճարպակալման, արյան զարկերակային բարձր ճնշման կանխարգելման ուղղությամբ
- ցուցաբերել խորհրդատվական օգնություն ընտանիքին
- կատարել տվյալ մասնագիտական ստորաբաժանման ուղղվածությանը և բժշկի ցուցումներին համապատասխան՝ ախտորոշիչ, սկրինինգային և բուժական նշանակումներ
- իրականացնել անհետաձգելի օգնություն և խնամք մանկաբարձագինեկոլոգիական ախտաբանական իրավիճակներում
- ցուցաբերել ինքնուրույն օգնություն չբարդացած ծննդաբերության ժամանակ կամ օգնություն` բժշկի հետ միասին ախտաբանական ծննդաբերության ժամանակ
- կատարել նորածնի առաջին հարդարանք, անհրաժեշտության դեպքում` իրականացնել նորածնի վերակենդանացում,
- հետևել ծննդկանի վիճակին հետծննդյան շրջանում
- նախապատրաստել գինեկոլոգիական հիվանդներին և հղիներին վիրահատության
- վերցնել լաբորատոր հետազոտության համար անհրաժեշտ նմուշառումներ
- կատարել ոչ սթրեսային թեստի գնահատում
- իրականացնել հետվիրահատական խնամքն ու բժշկի նշանակումները
- լրացնել տեղեկանքներ և բժշկական ոլորտի այլ փաստաթղթեր
- իրականացնել դեղերի դուրս գրում, պահպանում և տրամադրում
- իրականացնել սանիտարահամաճարակային ռեժիմը և ներհիվանդանոցային վարակների կանխարգելման աշխատանքներ
- կատարել բժշկական նշանակության իրերի վարակազերծում և մանրէազերծում
- իրականացնել բժշկական թափոնների դասակարգման, պահպանման և տեղափոխման
- աշխատանքները
- պահպանել բուժանձնակազմի և պացիենտի անվտանգության կանոնները
