Որակավորված մասնագետը իրականացնում է հետևյալ զբաղմունքները՝

• ընդհանուր պրակտիկայի բուժքույր/բուժեղբայր,
• թերապիայում, մանկաբուժությունում, վիրաբուժությունում, մանկաբարձությունում և գինեկոլոգիայում, վարակաբանությունում, նյարդաբանությունում, հոգեբուժությունում, մաշկաբանությունում և սեռավարակ հիվանդություններում, քիթ, կոկորդ, ականջի հիվանդություններում, ակնաբուժությունում, գերիատրիայում, վերակենդանացման և ինտենսիվ թերապիայում, վերականգնողական և ավանդական բժշկությունում քույրական գործ իրականացնող բուժքույր/բուժեղբայր:

Կարողանում է կատարել ներքոհիշյալ պարտականությունները՝

• ստացիոնարի և պոլիկլինիկայի պայմաններում ըստ բժշկի նշանակումների՝ տարբեր սեռատարիքային խմբերի պացիենտների հետ ախտորոշիչ, բուժական, վերակենդանացման,վերականգնողական, կանխարգելիչ, բուժառողջարարական, սանիտարահիգինիկ, սանիտարալուսավորչական միջոցառումների կատարում
• հիվանդների խնամքի ժամանակ քույրական գործընթացի փուլերի իրականացում և փաստաթղթերով հիմնավորում
• ստացիոնար և տնային պայմաններում քույրական խնամքի կազմակերպում և իրականացում
• ծանր և սահմանային վիճակում գտնվող հիվանդների և տուժածների վիճակի գնահատում և առաջնային ախտանիշների ու համախտանիշների տարբերակում, անհետաձգելի իրավիճակներում նախաբժշկական օգնության ցուցաբերում
• կոնկրետ հիվանդի պարագայում դեղամիջոցների արդյունավետության գնահատում, դեղորայքային թունավորման ժամանակ նախաբժշկական օգնության ցուցաբերում
• հիվանդին լաբորատոր, ֆունկցիոնալ և գործիքային հետազոտություններին նախապատրաստում
• ֆիզիոթերապևտիկ գործողությունների (պրոցեդուրա) հիմնական տեսակների կատարում, հոգեթերապիայի տարրերի օգտագործում, բժշկի նշանակած սննդակարգի (դիետա) պահպանման նկատմամբ հսկողություն, բուժական գործողությունների արդյունավետության գնահատում
• առողջության պահպանման և ամրապնդման համար առանձին անհատների, ընտանիքների և բնակչության խմբերի կրթմանն ու ուսուցմանն ուղղված կանխարգելման համալիր ծրագրերի պլանավորում և գնահատում
• դեղամիջոցների ստացման, պահպանման և օգտագործման դեղագործական կարգի պահպանման նկատմամբ հսկողություն
• բժշկական փաստաթղթերի վարու
• ինֆեկցիոն հսկողության պահանջների կատարում, հիվանդների և բուժանձնակազմի ինֆեկցիոն անվտանգության պահպանում
• բնակչության, հիվանդների, տուժածների, աղետների բժշկության ծառայության բուժանձնակազմի պաշտպանությանը վերաբերող միջոցառումների անցկացում
• գործիքների նախապատրաստում բժշկի կողմից բարդ միջամտությունների կատարման ժամանակ
• հիվանդների նախապատրաստում ախտորոշիչ հետազոտությունների և շտապ վիրահատությունների
• նյութերի հավաքում, տեղափոխում և պահպանում մանրէաբանական հետազոտության համար
• քույրական միջամտությունների կատարում
• հիվանդությունների կանխարգելում
• բժշկի ախտորոշիչ և բուժական նշանակումների կատարում
• հիվանդների համալիր խնամք