Դոնորական կենտրոնն աշխատում է միջազգային բոլոր ստանդարտներին համապատասխան:

Դոնորական արյունն անցնում է զննման, մշակման ու տեխնիկական բոլոր կարգավորումների փուլերով, պահեստավորվում համապատասխան սառցախցիկներում՝ պահանջվող ջերմաստիճանով:

Արյան բանկում տեղադրված է.

• Դոնորական արյան հավաքագրման խառնիչ կշեռք՝ «BAGAMATIK NOVO-LS»
• Դոնորական արյան բաղադրամասերի ցենտրիֆուգման սարք՝ «HERMLW ZK496»
• Դոնորական արյան բաղադրամասերի տարանջատման սարք՝ «LUXOmatik V2»
• Դոնորական արյան բաղադրամասերի պահպանման սառնարաններ և սառցարաններ՝ «BIOBASE»

Հնարավոր դոնորը մոտենում է արյան բանկ, լրացնում բժշկական հարցաթերթիկը, ստանում բժշկի խորհրդատվություն, միայն այս ամենի դրական եզրակացության դեպքում հաջորդաբար անցնում է անհրաժեշտ լաբորատոր քննություն:

Արյան բանկում պատրաստվում են հետևյալ բաղադրամասերը.

• Էրիթրոցիտային զանգված
• Լվացված էրիթրոցտային զանգված
• Թարմ սառեցված պլազմա
• Թրոմբոցիտար զանգված

Արյունատվությունը կյանքեր է փրկում, միացի՛ր, որ փրկես: