«Սուրբ Գրիգոր Լուսավորիչ» բժշկական կենտրոնի համակարգչային շերտագրման ծառայությունը (ՀՇ) գործում է ախտորոշիչ բաժանմունքի կազմում։
Համակարգչային շերտագրման ծառայությունը համալրված է նորագույն և գերժամանակակից սարքավորումներով, որոնք հնարավորություն են տալիս կատարել ցանկացած բարդության և ծավալի հետազոտություններ:
Սարքավորումները թվով չորսն են:
Ծառայությունն ունի կարևոր առանձնահատկություն ու բացառիկություն:
Հետազոտության ժամանակ կատարվող ներերակային կոնտրաստավորումը իրականացվում է նորագույն և ժամանակակից ավտոմատ ներարկիչներով՝ անմիջապես կոնտրաստ նյութով լցված սրվակից, անհպում՝ զերծ պահելով կոնտրաստ նյութի շփումը օդի հետ:
Սա ապահովում է գործողության բացարձակ ստերիլությունը։
Ծառայության շրջանակներում կատարվում են.
- բոլոր օրգան-համակարգերի տարրական՝ նատիվ և կոնտրաստային հետազոտություններ
- անոթների ՀՇ-անգիոգրաֆիա
- սրտի կորոնար զարկերակների ՀՇ-անգիոգրաֆիա
- գլխուղեղի ՀՇ-պերֆուզիա
