«Սուրբ Գրիգոր Լուսավորիչ» բժշկական կենտրոնի անեսթեզիոլոգիական բաժանմունքի աշխատանքն ուղղված է պացենտների հարվիրահատական բուժօգնության ապահովմանը։
Անեսթեզիոլոգիական բաժանմունքն իրականացնում է պլանային և անհետաձգելի վիրաբուժական միջամտությունների անզգայացում՝ հիմնվելով միջազգային ուղեցույցների վրա։
Բաժանմունքը ապահովում է նաև փոքր ինվազիվ միջամտություննրի և հետազոտությունների անզգայացումը՝ էնդոսկոպիա, մագինսառեզոնանսային շերտագրում, համակարգչային շերտագրում:
Բաժանմունքը հանդիսանում է «Առողջապահության Ազգային Ինստիտուտի» անեսթեզիոլոգիայի և ինտենսիվ թերապիայի ամբիոն, որը զբաղվում է հետբուհական կրթությամբ և բժիշկ անեսթեզիոլոգների վերապատրաստմամբ։
Անեսթեզիոլոգիական բաժանմունքի աշխատանքի կազմակերպման հիմնական ուղղություններն են․
- Նախավիրահատական պատրաստում
- Անզգայացման իրականացում
- Հետվիրահատական հսկողություն
Անեսթեզիոլոգիական բաժանմունքը սպասարկում է 15 վիրասրահ։
Վիրահատարանները վերազինված են՝
- ժամանակակից անզգայացման սարքավորումներով, որոնք հագեցված են մուլտիգազանալիզատորներով,
- մոնիտորներով՝ ֆիքսված և շարժական (էլեկտրասրտագրություն, պուլսօքսիմետր, զարկերակային ճնշման ինվազիվ և ոչ ինվազիվ չափում, թերմոմետր),
- Դեֆիբրիլյատորներով,
- Ավտոմատ ներարկիչներով,
- Աուտոհեմոտրանսֆուզիայի սարքով,
- ՈւՁՀ սարքով և նեյրոստիմուլյատորով։
Բաժանմունքն ապահովված է դժվար շնչուղիների կառավարման համար անհրաժեշտ գերժամանակակից սարքավորումներով (ֆիբրոբրոնխոսկոպ, վիդեոլարինգոսկոպ, կոկորդային դիմակներ և այլն)։
Անեսթեզիոլոգիական բաժանմունքում իրականացվում է անզգայացման հետևյալ տեսակները․
- Ընդհանուր բազմաբաղադրիչ անզգայացում
- Նեյրոաքսիալ անզգայացում (ողնուղեղային, էպիդուրալ, ծայրամասային նյարդերի պաշարումներ)
- Սեդացիա և մոնիտորինգ
Անզգայացման եղանակն ընտրելիս` յուրաքանչյուր պացիենտին ցուցաբերվում է անհատական մոտեցում։
Անզգայացման բաժանմունքի գործունեության հիմնական սկզբունքն անվտանգ և որակյալ բուժօգնության ապահովումն է:
