«Սուրբ Գրիգոր Լուսավորիչ» բժշկական կենտրոնի ընդհանուր և անոթային նյարդավիրաբուժության բաժանմունքը տեղակայված է վիրաբուժական մասնաշենքի 1-ին հարկում (A1)։
Բաժանմունքում գործունեություն են ծավալում արհեստավարժ, փորձառու, ինչպես նաև երիտասարդ բժիշկներ։ Բաժանմունքի միջին ու կրտսեր բուժանձնակազմը նույնպես աչքի է ընկնում մասնագիտությանն առընթեր հատուկ հմտությունների իմացությամբ և փորձով։
Բաժանմունքը առնվազն Հայաստանի Հանրապետության շրջանակներում ծավալում է լուրջ գործունեություն, քանի որ իրականացվում է նյարդավիրաբուժական հիվանդությունների լայն շրջանակի ախտորոշում և բուժում՝ ինչպես անհետաձգել, այնպես էլ պլանային դեպքերի, մասնավորապես՝
- գանգուղեղային վնասվածքներ
- ողնաշարի և ողնուղեղի վնասվածքաներ
- գլխուղեղի ուռուցքներ
- ողնուղեղի ուռուցքներ
- գոտկային հատվածի միջողային սկավառակի ճողվածքներ
- պարանոցային հատվածի միջողային սկավառակի ճողվածքներ
- հեմոռագիկ ինսուլտ
- գլխուղեղի կիստա
- գանգոսկրի դեֆեկտ
- հիդրոցեֆալիա
- գլխուղեղի աբցեսներ
- գլխի փափուկ հյուսվածքների ենթամաշկային գոյացություններ
Կատարվում են հետևյալ վիրահատությունները՝
- վնասվածքային ներգանգային հեմատոմաների հեռացում
- գլխուղեղի ուռուցքների հեռացում
- ողերի կոտրվածքի, սպոնդիլոլիստեզի կապակցությամբ լամինէկտոմիա և տրանսպեդիկուլյար ֆիքսացիա:
- գանգոսկրի դեֆեկտի պլաստիկա
- գոտկային հատվածի միջողային սկավառակի ճողվածքների հեռացում
- պարանոցային հատվածի միջողային սկավառակի ճողվածքների հեռացում CAGE իմպլանտի տեղադրումով:
- վենտրիկուլոպերիտոնեալ շունտավորում
- ողնուղեղի ուռուցքների հեռացում
- ողնաշարայինյ խողովակի աբցեսների հեռացում
- ենթամաշկային գոյացությունների հեռացում
- գլխուղեղի աբցեսների հեռացում
- գլխի փափուկ հյուսվածքների վերքերի առաջնային վիրաբուժական մշակում
