Կրծքային վիրաբուժության բաժանմունքում աշխատում են հմուտ և արհեստավարժ բժիշկներ, բուժքույրեր և կրտսեր բուժանձնակազմ։

Կրծքային վիրաբուժության բաժանմունքում ախտորոշվում և բուժվում են հետևյալ հիվանդությունները․

Շնչափողի հիվանդություններ.

• Շնչափողի տարբեր ծագման ստենոզներ
• Շնչափողային խուղակներ
• Շնչափող-կերակրափողային խուղակներ
• Շնչափողի և բրոնխների օտար մարմիններ
• Շնչափողի գոյացություններ
• Շնչափողի վնասվածքներ
• Տրախեոմալացիա

  Թոքերի թարախադեստրուկտիվ հիվանդություններ.

• Սուր և քրոնիկական թարախակույտեր
• Թոքի փտախտ
• Թոքերի ստաֆիլոկոկկային դեստրուկցիա
• Բրոնխոէկտատիկ հիվանդություն
• Թոքի կիստաներ
• Պլևրայի էմպիեմա (սուր և քրոնիկ)
• Ֆիբրոթորաքս
• Բրոնխիալ խուղակներ (բրոնխոթոքային, բրոնխոպլևրալ, բրոնխոօրգանային)

  Կրծքավանդակի բաց և փակ վնասվածքներ.

• Վնասվածքային պնևմոհեմոթորաքս
• Մակարդված հեմոթորաքս
• Կողերի կոտրվածքներ(տեղաշարժով, պատուհանավոր,գծային)
• Կրծոսկրի կոտրվածքներ
• Թափանցող և չթափանցող վնասվածքներ
• Թոքերի,սրտի,կրծքավանդակի խոռոչի այլ օրգանների վիրավորումներ
• Ստոծանու վնասվածքային պատռվածքներ՝ որովայնի օրգանների դիսլոկացիայով
• Կերակրափողի վնասվածքներ

   Ուռուցքային հիվանդություններ.

• Թոքի քաղցկեղ
• Բարորակ գոյացություններ (պապիլոմա, ադենոմա, լիպոմա, ցիլինդրոմա, նևրինոմա, նեյրոֆիբրոմա, տեռատոմա, համարտոմա, ֆիբրոմա, լեոմիոմա, լիմֆանգիոմա և այլն)
• Կրծքավանդակի պատի բարորակ գոյացություններ (խոնդրոմա, ֆիբրոմա, օստեոմա, շվանոմա և այլն)
• Կրծքավանդակի պատի չարորակ գոյացություններ
• Միջնորմի բարորակ և չարորակ գոյացություններ (թիմոմա, հետկրծոսկրային խպիպ, տեռատոմա, լիպոմա, հեմոդեկտոմա, նեյրոֆիբրոմա, նևրինոմա, լիմֆոմա և այլն)
• Պլևրայի բարորակ և չարորակ գոյացություններ (մեզոթելիոմա, մեզենխիմոմա, ֆիբրոմա, խոնդրոմա, անգիոմա և այլն)
• Թոքերի, պլևրայի, միջնորմի մետաստատիկ ախտահարումներ 

     Այլ հիվանդություններ

• Թոքերի էխինոկոկկոզ
• Թոքերի բուլյոզ հիվանդություն
• Սպոնտան պնևմոթորաքս(առաջնային, երկրորդային,ռեցիդիվող)
• Պլևրիտներ
• Մեդիաստինիտներ
• Լիմֆադենոպաթիաներ
• Ստոծանու ճողվածքներ
• Ասպերգիլյոզ
• Թոքի արտերիովենոզ մալֆորմացիա
• Կրծքավանդակի պատի բնածին և ձեռքբերովի դեֆորմացիաներ
• Թոքերի բնածին արատներ
• Արյունախխում

Կրծքային վիրաբուժության բաժանմունքում կատարվում են հետևյալ վիրահատությունները.

• Շնչափողի բուժավորում շնչափողի ստենոզների կապակցությամբ
• Շնչափողի սեպաձև և շրջանաձև մասնահատում
• Տրախեոստոմիկ խողովակի տեղադրում
• Շնչափող-կերակրափողային խուղակների վիրահատական բուժում
• Շնչափողի և բրոնխների օտար մարմինների հեռացում տեղային և ընդհանուր անզգայացմամբ
• Բրոնխոսկոպիա
• Պլևրալ խոռոչի պունկցիա
• Պլևրալ խոռոչի դրենավորում (պնևմոթորաքսի, հիդրոթորաքսի և պլևրայի այլ ախտահարումների ժամանակ)
• Թոքերի ատիպիկ մասնահատում թորակոտոմիկ և թորակոսկոպիկ եղանակներով (թոքերի բուլյոզ և բրոնխէկտատիկ հիվանդությունների կապակցությամբ)
• Թոքերի Էխինոկոկոզ (թորակոտոմիկ և թորակոսկոպիկ եղանակներով)
• Թոքերի և պլևրաների թարախադեստրուկտիվ հիվանդությունների կապակցությամբ կատարվող վիրահատություններ թորակոտոմիկ և թորակոսկոպիկ եղանակներով
• Թոքերի և բրոնխների բարորակ և չարորակ նորագոյացությունների կապակցությամբ(սեգմենտէկտոմիա, լոբէկտոմիա, պնևմոնէկտոմիա) թորակոտոմիկ և թորակոսկոպիկ եղանակներով
• Բրոնխոպլաստիկ վիրահատություններ
• Պլևրայի, թոքերի և միջնորմի բիոպսիաներ (թորակոտոմիկ և թորակոսկոպիկ եղանակներով)
• Պարաստեռնալ բիոպսիա
• Միջնորմի գոյացությունների հեռացում(թորակոտոմիկ և թորակոսկոպիկ եղանակներով)
• Իսկական և կեղծ ներկրծքային խպիպի վիրահատական բուժում
• Ցենկերյան դիվերտիկուլիտների վիրահատական բուժում
• Թարախային մեդիաստինիտների վիրահատական բուժում
• Վնասվածքային հեմոպնևմոթորաքսների կապակցությամբ կատարվող վիրահատություններ(թորակոտոմիկ և թորակոսկոպիկ եղանակներով)
• Կրծոսկրի և կողերի ֆիքսացիա մետաղական կոնստրուկցիայով(թորակոտոմիկ և թորակոսկոպիկ եղանակներով)
• Ստոծանու հետվնասվածքային ճողվածքների վիրահատական բուժում (թորակոտոմիկ և թորակոսկոպիկ եղանակներով)
• Ստոծանու գմբեթի ռելաքսացիայի վիրահատական բուժում ալոպլաստիկ ցանցի կիրառմամբ(թորակոտոմիկ և թորակոսկոպիկ եղանակներով)
• Պերիկարդի մասնակի և ծավալուն մասնահատում(թորակոտոմիկ , թորակոսկոպիկ և ստեռնոտոմիկ եղանակներով)
• Պերիկարդի ֆենեստրացիա (թորակոտոմիկ և թորակոսկոպիկ եղանակներով)
• Կրծքավանդակի պատի գոյացությունների հեռացում
• Կրծքավանդակի պատի մասնահատում
• Կրծքավանդակի պատի միոպլաստիկ վիրահատություններ
• Թորակոստոմայի ձևավորում և փակում
• Կրծքավանդակի պատի փափուկ հյուսվածքների սահմանափակ և տարածուն ինֆիլտրատիվ թարախային հիվանդությունների վիրահատական բուժում
• Պարանոցային, անութափոսային, վեր և ստորանրակային ավշահանգույցների բիոպսիա
• Թոքերի ասեղային բիոպսիա ՀՇ հսկողությամբ
• Կրծքագեղձի սեկտորալ մասնահատում և մաստէկտոմիա