«Սուրբ Գրիգոր Լուսավորիչ» բժշկական կենտրոնի ախտորոշիչ բաժանումքն ունի այնպիսի կարևոր առանձնահատկություն, որի շնորհիվ մատուցում է բարձրակարգ, արագ, ապահով և արդյունավետ ծառայություններ:
Բաժանմունքն աչքի է ընկնում առանձնացված հոսքերով՝ ամբուլատոր, ստացիոնար և անհետաձգելի դեպքերի (Emergency):
Հարմարեցված է այնպես, որ ամբուլատոր և ստացիոնար պացիենտները սպասարկվեն, ըստ բաժանումների՝ խուսափելով մի շարք ռիսկերից:
Շտապ և անհետաձգելի բուժօգնության ընդունարանին՝ անհրաժեշտ գործիքակազմով ու տարածությամբ մոտ տեղակայված հատվածը սպասարկում է բացառապես անհետաձգելի դեպքերը, ինչը ժամանակի մեծ խնայողություն է՝ արագ արձագանքման ու սպասարկման տեսակետից:
Ախտորոշիչ բաժանմունքը բաղկացած է հետևյալ հիմնական ստորաբաժանումներից.
- մագինսառեզոնանսային շերտագրման ծառայություն
- համակարգչային շերտագրման ծառայություն
- ուլտրաձայնային հետազոտությունների ծառայություն
- ռենտգեն ծառայություն
- էնդոսկոպիկ միջամտությունների ծառայություն
Ախտորոշիչ բաժանմունքի առավելություններից են.
- PACS համակարգի առկայություն
- ժամանակակից բարձր տեխնոլոգիական սարքեր
- փորձառու և պարբերաբար վերապատրաստվող մասնագետներ
- սպասարկման բարձր մակարդակ
- անհատական մոտեցում
Բոլոր ծառայություններում հետազոտությունները կատարվում են 24/7 ռեժիմով, վճարովի, պետպատվերի, սոցփաթեթի և առողջության ապահովագրության հիմունքներով:
