Բաժանմունքի կազմում գործում են նաև մանկական նյարդաբանության, նեյրոֆիզիոլոգիական, ֆունկցիոնալ, ուլտրաձայնային ախտորոշման և վերականգնողական ծառայությունները։

Բաժանմունքում աշխատում են հմուտ և արհեստավարժ մանկաբույժներ, որոնք պարբերաբար վերապատրաստվում են ինչպես մեր և տարածաշրջանի երկրների, այնպես էլ եվրոպական զարգացած կլինիկաներում։ 

Ընդհանուր մանկաբուժության բաժանմունքը հագեցած է անհրաժեշտ ախտորոշիչ գործիքային հետազոտություններով.

• Էլեկտրասրտագրություն՝ ԷՍԳ
• Էխոսրտագրություն՝ ԷխոՍԳ
• Ուլտրաձայնային հետազոտություն՝ ՈւՁՀ (սոնոգրաֆիա)՝ վահանագեղձի, թոքերի, ուրցագեղձի, որովայնի խոռոչի օրգանների, փոքր կոնքի, ավշահանգույցների, փափուկ հյուսվածքների, ամորձիների։

Ընդհանուր մանկաբուժության բաժանմունքում կարելի է դիմել տարբեր խնդիրներրի դեպքում․

• Տենդ՝ առանց տեղակայման (տենդային վիճակներ՝ մինչ տարբերակիչ ախտորոշումը)
• Սուր շնչական վարակներ՝ արտահայտված ինտոտոքսիկացիոն համախտանիշով, տևական տենդով, փսխումային և ինտեստինալ համախտանիշով
• Սուր շնչական վարակներ՝ նեյրոտոքսիկոզով
• Սուր շնչական վարակներ՝ ֆեբրիլ ցնցումներով
• Սուր շնչական վարակներ՝ օտիտ, լիմֆադենիտով
• Սուր օբստրուկտիվ բրոնխիտ, սուր լարինգոտրախեիտ՝ շնչական անբավարարությամբ
• Սուր թոքաբորբ
• Բրոնխիալ ասթմա
• Սուր տոնզիլիտ՝ արտահայտված ինտոտոքսիկացիոն համախտանիշով, տևական տենդով, փսխումային և ինտեստինալ համախտանիշով, որովայնի ցավով
• Սուր տոզիլիտ՝ լիմֆադենիտով
• Քրոնիկ տոնզիլիտ, ադենոիդիտ՝ սրացումով
• Սուր գաստրիտ, փսխումային համախտանիշով
• Կրկնվող գաստրիտ, գաստրոդուոդենիտ
• Սուր գաստրոէնտերիտ, էնտերոկոլիտ
• Լյարդի և լեղուղիների հիվանդություններ
• Պանկրեատիտի սրացում, սուր պանկրեատիտ
• Չճշտված ծագման ցավ որովայնում
• Չճշտված ծագման կրկնվող տենդ, միզուղիների բորբոքում, պիելոնեֆրիտ
• Սուր գլոմերուլոնեֆրիտ
• Սուր ալերգիկ եղնջացան, ալերգիկ դերմատիտներ
• Հեմոռագիկ վասկուլիտ
• Վիտամին Բ12 պակասորդային սակավարյունություն
• Երկաթ-պակասորդային սակավարյունություն
• Ռեակտիվ արթրիտ
• Արթրալգիա

Մանկական նյարդաբանության ծառայությունում կատարվում են հետևյալ գործիքային հետազոտությունները.

• Էլեկտրաէնցեֆալոգրաֆիա՝ ԷԷԳ
• ԷԷԳ - վիդեոմոնիտորինգ մինչև 16 ժամ (ցերեկային, գիշերային)
• ԷԷԳ - վիդեոմոնիտորինգ մինչև 24 ժամ (ցերեկային, գիշերային)
• Նեյրոսոնոգրաֆիա

Մանկական նյարդաբանության ծառայությունում ախտորոշվում և բուժվում են հետևյալ խնդիրները․

• Էպիլեպսիա, ցնցումային համախտանիշ
• Ֆեբրիլ ցնցումներ
• Գլխացավեր՝ միգրեն, լարվածության,կլաստեր գլխ.
• Ծայրամասային նեյրոպաթիաներ
• Տրիգեմինալ նևրալգիա
• էնցեֆալիտ
• Մենինգիտ
• Հիպերտոնիկ ցերեբրալ կրիզ
• Նյարդամկանային հիվանդություններ
• Կենտրոնական նյարդային համակարգի պերինատալ-օրգանական ախտահարումներ
• Կենտրոնական նյարդային համակարգի դեմիելինիզացնող հիվանդություններ` ցրված սկլերոզ