Ծառայությունն իր ցուցաբերած գործունեության որոշ տեսակներով միակն է  Հայաստանի Հանրապետությունում, մասնավորապես անոթային պաթոլոգիայի իմաստով։ Ծառայությունը մասնագիտացված է հետևյալ պաթոլոգիաների ախտորոշմամբ և բուժմամբ՝

• Գանգուղեղային և ողնաշար-ողնուղեղային վնասվածքներ
• Գլխուղեղի զարկերակային անևրիզմաներ
• Գլխուղեղի և ողնուղեղի արտերիովենոզ մալֆորմացիաներ և ֆիստուլաներ
• Գլխուղեղի իշեմիկ կաթված
• Գանգի, գլխուղեղի, ողնաշարի, ողնուղեղի մակերեսային և խորանիստ ծավալային գոյացություններ
• Հիդրոցեֆալիա և ներգանգային հիպերտենզիա
• Ողնաշարի դեգեներատիվ հիվանդություններ
• Գլխուղեղի և ողնուղեղի բորբոքային հիվանդություններ
• Վնասվածքների, անոթային հիվանդությունների մնացորդային երևույթներ
• Անոթա-նյարդային կոնֆլիկտ

Կատարվում են հետևյալ վիրահատությունները և միջամտությունները՝

• Գանգուղեղային և ողնաշար-ողնուղեղային վնասվածքների վիրահատական բուժում
• Ենթասուր/խրոնիկական սուբդուրալ հեմատոմաների վիրահատական բուժում
• Ախտորոշիչ ցերեբրալ և սպինալ անգիոգրաֆիա, անևրիզմաների էնդովասկուլյար օբլիտերացիա (միկրոպարույրներով, ստենտ-ասիստենցիայով, հոսք-ուղղորդիչ ստենտով) կամ կլիպավորում
• Գլխուղեղի և ողնուղեղի արտերիովենոզ մալֆորմացիաների և ֆիստուլաների էնդովասկուլյար էմբոլիզացիա կամ միկրովիրաբուժական բուժում
• Թրոմբէկտոմիա, արտագանգային և ներգանգային անոթների բալոնային անգիոպլաստիկա և ստենտավորում
• Գանգի, գլխուղեղի, ողնաշարի, ողնուղեղի մակերեսային և խորանիստ ծավալային գոյացությունների միկրովիրաբուժական հեռացում կամ բիոպսիա (անհրաժեշտության դեպքում նեյրոնավիգացիայի կիրառմամբ)
• Արտաքին փորոքային, գոտկային դրենավորում, վենտրիկուլոպերիտոնեալ, լյումբոպերիտոնեալ շունտավորում
• Ներգանգային ճնշման մոնիտորինգ
• Ողնաշարի պարանոցային, գոտկային հատվածների միջողնային աճառի ճողվածքների միկրոսկոպիկ հեռացում՝ համապատասխան կոնստրուկցիաների կիրառմամբ
• Ողնաշարի առաջային կամ հետին ֆիքսացիա, կիֆոպլաստիկա, վերտեբրոպլաստիկա, լամինոպլաստիկա, լամինէկտոմիա
• Էպիդուրալ, սուբդուրալ, ներուղեղային թարախային պրոցեսների վիրահատական բուժում
• Կրանիոպլաստիկա
• Միկրովասկուլյար դեկոմպրեսիա