«Սուրբ Գրիգոր Լուսավորիչ» բժշկական կենտրոնի պացիենտների սպասարկման և էլեկտրոնային համակարգերի բաժինը տեղակայված է B մասնաշենքի 1-ին հարկում (B1)։

Բաժնի կազմում գործում են ապահովագրության և սոցիալական փաթեթի և պետական պատվերի ծառայությունները։

Բոլոր ծառայությունները կազմակերպվում են Հայաստանի Հանրապետության օրենքների, կառավարության որոշումների, առողջապահության նախարարի և այլ գերատեսչական մարմինների հրամանների, ինչպես նաև այլ նորմատիվ իրավական ակտերի հիման վրա։

Ծառայությունները մատուցվում են տարանջատված սրահներում։

Քաղաքացիների սպասարկումն իրականացվում է աշխատանքային օրերին՝ ժամը՝ 09։00-18։00 ընկած ժամանակահատվածում, էլեկտրոնային հերթագրման և ներհիվանդանոցային այլ համակարգերի կիրառման միջոցով։

Անձնական ապահովագրություն ունեցող և սոցիալական փաթեթի շահառու հանդիսացող քաղաքացիների բժշկական օգնությունը և սպասարկումն իրականացվում է ապահովագրական ընկերության կողմից՝ հայտի նախնական հաստատման հիմքով։

Ավտոպատահարների արդյունքում մարմնական վնասներ կրած քաղաքացիները անհետաձգելի կարգով սպասարկվում են 24/7 գրաֆիկով՝ Շտապ և անհետաձգելի բժշկական օգնության ընդունարանում (B2):